Ankhon Say Aik Jaam Pilaya, Chali Gai

غزل

آنکھوں     سے     ایک     جام      پِلایا،   چلی   گئی

یادوں     کا     مجھ     سے      ہاتھ     مِلایا،   چلی   گئی

یوں تو میں ایک عُمر سے تھا ماہ رُخوں کے   بیچ

لیکن    وہ     آئی،    دل     کو     چُرایا،     چلی      گئی

ہم   مُستقل    مزاج    تھے    لیکن   وہ    دل    رُبا

خوشبو      کی    طرح      فرض     نبھایا،    چلی    گئی

اے     زندگی!    آزاد     طبع      آدمی     تھا     میں

مجھ        کو       اسیرِ      حُسن         بنایا،     چلی       گئی

جس   روشنی   کے   ساتھ  ریاضی   کو  حل    کِیا

اُس    روشنی   نے     دل    کو   جلایا،    چلی    گئی

حمزہؔ شفیق

______________________________

GHAZAL

Ankhon say aik jaam pilaya, chali gai

Yaadon ka aik haath milaya, chali gai

Yun to main aik umr say tha mah-rukhon ke beech

Lekin wo aai, dil ko churaya, chali gai

Hum mustaqil mizaaj thy lekin wo dil ruba

Khusbu ki trah farz nibhaya, chali gai

Ay zindagi azaad taba' aadmi tha main

Mujh ko aseer-e-husn bnaya, chali gai

Jis roshni ke saath ryaazi ko hal kiya

Uss roshni ne dil ko jlaya, chali gai

Hamza Shafiq

Kah'Kashan Main Aib Tha So Aik Haala Par Gya

غزل

کہکشاں   میں   عیب   تھا   سو   ایک    ہالا    پڑ     گیا

آسماں     پر     چاند     گِرتے      ہی      اُجالا      پڑ      گیا

ایک  مظلومہ   نے   بس   آنکھیں  اُٹھائیں   آہ    کو

جانے   پھر   کیوں  آسماں   کا   رنگ    کالا    پڑ    گیا

دھوپ  نیلی  کیا  ہوئی سب باغ  وِیراں  ہو گئے

اور    بہاروں   پر   تو   جیسے    پھر   سے   تالا   پڑ    گیا

میں نے سوچا دُور تک ہم ساتھ چلتے جائیں گے

چل کے  دیکھا  دو  قدم،  پَیروں میں  چھالا  پڑ  گیا

کیسے، کب  پہچان  پاتا،  بے  وفائی  ساتھ  ہے؟

کیسے   تیری   چاہتوں  کا   دل   میں    جالا   پڑ   گیا؟

حمزہؔ شفیق

______________________________

GHAZAL

Kah'kashan main aib tha so aik haala parr gya

Asma'n par chaand girte hi ujala parr gya

Aik mazlooma ne buss ankhen utha'en aah ko

Jaane phir kyun asma'n ka rung kala parr gya

Dhoop neeli kya hui sab baagh veera'n ho gaye

Aur baharo'n par to jesy phir say taala parr gya

Main ny socha door tak hum saath chalty jaye'n gy

Chal ke dekha do qadam, pairo'n main chaala parr gya

Kaisy, kab pehchan paata, be-wafai saath hai?

Kesy teri chahto'n ka dil main jaala parr gya?

Hamza Shafiq

Zindagi Aisi Kahani Hai Ke Jis Main Hum Tum

شعر

زندگی  ایسی  کہانی  ہے کہ جس میں ہم  تم

اتفاقاً   جو  مِلے  بھی، تو   بچھڑ    جائیں   گے

حمزہؔ شفیق

______________________________

Verse

Zindagi Aisi Kahani Hai Ke Jis Main Hum Tum

Ittefaqan jo mile bhi, to bicharr jayen gy

Hamza Shafiq

Ye Nao Doob Nahi Paa Rahi, To Paar Lagy

غزل

یہ      ناؤ     ڈوب    نہیں     پا     رہی،   تو      پار    لگے

ہماری    آنکھ   اُسے    بھی    تو     اَشک   بار    لگے

کبھی  کسی    کو   بھی   خود    پر   وہ   اختیار    نہ    دو!

جو      اختیار،      تمہیں       لمحہ       لمحہ        بار        لگے

بناوٹی      نہ      بنے،    کُھل    کے     سامنے      آئے

اگر   وہ    یار   ہے    میرا،   تو   مجھ   کو    یار!  لگے

وہ جیت جائے مگر اِس طرح لڑے مجھ سے

میں   ہار   جاؤں   تو   وہ    ہار   مجھ    کو     ہار    لگے

نشانہ   سادھ   اور      تِیرِ     نظر      چلا!      کہ      مرا

جگر   تو  چھلنی  ہو،  یہ   دل بھی   داغ  دار   لگے

حمزہؔ شفیق

______________________________

GHAZAL

Ye naao doob nhi paa rhi, to paar lagy

Hmaari ankh usy bhi to ashk-baar lagy

Kabhi kisi ko bhi khud par wo ikhteyar na do!

Jo ikhteyar, tumhen lamha lamha baar lagy

Bnawati na bany, khul ke samny aaye

Agar wo yaar hai mera to mujh ko yaar lagy

Wo jeet jaye magar iss trah larry mujh say

Main haar jaon jo, to haar mujh ko haar lagy

Nishana saadh aur teer-e-nazar chala! ke mera

Jigar bhi chalni ho aur dil bhi daagh daar lagy

Hamza Shafiq

Slowmo

شعر

جلد    خوشیاں    گزاری    جاتی    ہیں

بچھڑا  جاتا  ہے  اب  'سلومو'  میں

حمزہؔ شفیق

Guzara

شعر

ہم    کیا    زندگی    گزاریں    گے

زندگی   نے    ہمیں   گزارا   ہے

حمزہؔ شفیق

Int'zaar

شعر

دیکھو! اب  تمہارے  انتظار  میں

روزانہ  کیلنڈر  سے  دن   کاٹتا  ہوں

حمزہؔ شفیق

Tera Chand

تیرا چاند

دیکھو!   تیرے   چاند   میں

دڑاڑ    آ   چکے   ہیں   جب

یہ  اپنی  بدصُورتی  کو  بادِلوں  میں  چھپاتا  ہے!

یہ خود کو کسی آئینے میں، دیکھنے سے بھی قاصر ہے

آخر    یہ   بادل  بھی

کب تک اِسے چھپائیں گے؟

بادل کب تک ساتھ دیں؟

یہ روز کہاں آتے ہیں!

آخر  چاند  بھی  کب  تک؟  اَوٹ  ڈھونڈتا  رہے

اِسے   روز   نکلنا  ہے

سرِ  عام  دِکھنا ہے

بس اب ایک ہی حل ہے

یہ  چاند  روز  دُعا کرے کہ اے خدا!

مجھے تُو خوبصورت کر!

بس اتنا ٹھیک ہو جاؤں کہ دیکھ سکُوں

میں اپنا عکس، دیر  تک!

کسی آئینے میں

حمزہؔ شفیق

Short Poem: "Lafzon Ki Fasl"

مختصر نظم: "لفظوں کی فصل"

کاغذ  پر لفظوں   کی فصل   پَک  چکی  ہے

سب  اپنا  اپنا  مقرّر  کردہ  حصّہ  اُٹھاؤ

اور  چلتے  بنو!

چلتے   بنو   کہ  جاتے  ہی

کچھ نظموں، کچھ غزلوں اور کچھ اشعار

کی  تخلیق   میں  ضا ئع   کر  دو!

اور   پھر

اگلی  فصل  کے   پکنے   کا

انتظار  کرو!

حمزہؔ شفیق

New Year (Hmary Haath Say Phislay Hain Pichly Sary Baras)

شعر

ہمارے ہاتھ سے پِھسلے ہیں پچھلے سارے برس

تمہارے    پاس    نیا    سال    ہے،   مبارک   ہو!

حمزہؔ شفیق

Jitny Pyaray Lafz Hain, Sab Ik Girah Main Bandh Kar

شعر

جتنے   پیارے  لفظ ہیں، سب اِک گِرہ میں باندھ کر 

خوبصورت شخص!   تیری   اِک   ادا   پہ   وار   دُوں

حمزہؔ شفیق

Kya Teer'Gi Hai Ke Dastras Main Ye Zindagi Nahi Aa Rhi

غزل

کیا    تِیر گی    ہے    کہ   دسترس   میں    یہ   زندگی   نہیں    آ    رہی

کیا   سادگی    ہے    مری   سمجھ   میں   جو   سادگی   نہیں   آ   رہی

تُو بتا کہ میرے مرض کا کیا ہے علاج میرے طبیبِ عشق

تُو   بتا   کہ میری   تو  شدّتوں   میں  بھی   کچھ  کمی  نہیں  آ  رہی

مرے ہم سفر! مجھے  یہ   پتا ہے تُو  چھوڑ جائے  گا ایک دن

جہاں ہم  ملے   تھے   یہ  زندگی، وہاں  واپسی   نہیں   آ    رہی

وہ   جُدا   ہُوا    تو   نہیں  رہا،  مرے  پاس  کوئی  بھی   تازہ  فن

کہ   جو   نغمگی  تھی  نہیں  رہی،  مجھے   شاعری  نہیں   آ    رہی

حمزہؔ شفیق

Aainay Jab Say Aza'dar Hue Jate Hain

 غزل

آئینے    جب    سے    عزادار     ہُوئے    جاتے     ہیں

ہم  ترے  عشق   میں  سرشار  ہُوئے   جاتے    ہیں

ہم نے دیکھا ہے کہ اِن تیری حسیں آنکھوں کے

سبھی  خوابوں   کے   خریدار   ہُوئے   جاتے   ہیں

کوئی       تو       زخم        لگاؤ         کہ        مرا         کام       بنے

اشک آنکھوں میں ہی بے کار ہُوئے   جاتے ہیں

آپ    تو    آپ    ہیں ،    اوقات     پتا    ہے    ہم      کو

آپ    بھی   صاحبِ   کردار     ہُوئے     جاتے     ہیں

ہم  پہ  واجب ہے  کہ اب کھیل  کی   پَرتیں کھولیں

کل   کے   بچّے   بھی   تو   فنکار  ہُوئے   جاتے    ہیں

حمزہؔ شفیق